आला वळवाचा पाऊस
त्यात सोसाट्याचा वारा
दोन हातांनी जेल्हू किती
पडती टप टप गारा
होतो ढगांचा गडगडाट
त्यात विजेचा लकलकाट
पाहुनी आकाशात
मोर नाचे लांडोरात
भिजूनिया वाटसरू
धरी झाडाचा आसरा
पडता अंगावरी थेंब
झोंबे गार गार वारा
साचे अंगणात पाणी
मुले गाती पाऊस गाणी
होडी करुन कागदाची
पाण्यावरी सोडतात
सरला वळवाचा पाऊस
सूर्य डोकावे ढगाआड
पडता डोंगरावर किरण
थेंब करी चमचमाट
पडता वळवाचा थेंब
येई मातीचा सुगंध
मोह होई अनावर
उभा ठेवी क्षणभर
–बळवंत पाडळे
