आनंदी आनंद गडे !
इकडे तिकडे चोहिंकडे
आनंदी आनंद गडे !
इकडे तिकडे चोहिंकडे
वरती खालीं मोद भरे
वायूसंगेंमोद फिरे
नभांत भरला
दिशांत फिरला
जगांत उरला
मोद विहरतो चोहिंकडे
आनंदी आनंद गडे !
सूर्यकिरण सोनेरी हैं
कौमुदि ही हंसते आहे
खुलली संध्या प्रेमानें
आनंदे गाते गाणें
मेघ रंगले
चित्त दंगलें
गान स्फुरलें
इकडे तिकडे चोहिंकडे;
आनंदी आनंद गडे !
कवी- बालकवी(त्र्यंबक बापूजी ठोंबरे)
